«Գրիգոր Նարեկացի» ԲԿ ՓԲԸ-գործում է ամբուլատոր ծառայություն, նեղ մասնագիտացված կաբինետներով, ժամանակակից լաբորատոր հետազոտությունների ախտորոշման կենտրոնով

2015 թվականի հունվարից 1-ից Համաշխարհային բանկի ֆինանսավորմամբ հանրապետությունում մեկնարկած՝ «Հիվանդությունների կանխարգելում և վերահսկում» ծրագիրն ուղղված է առավել տարածված ոչ վարակիչ հիվանդությունների(ՈՎՀ), մասնավորապես` արյան գերճնշման, շաքարային դիաբետի և արգանդի պարանոցի քաղցկեղի կանխարգելմանը և վաղ ախտորոշմանը: Այս մասին Tert.am-ի հետ զրույցում ասաց Առողջապահության ազգային ինստիտուտի առողջապահության տեղեկատվական վերլուծական կենտրոնի տնօրեն Դիանա Անդրեասյանը:

«Ծրագրի իրականացման ընթացքում 2015թ-ի հունվարից 35-ից 68 տարեկան ՀՀ բոլոր քաղաքացիները հնարավորություն ունեն անվճար հետազոտվել իրենց սպասարկող պոլիկլինիկայում կամ ամբուլատորիայում` զարկերակային գերճնշման և շաքարային դիաբետի ախտորոշման, իսկ 30-ից 60 տարեկան բոլոր կանայք` արգանդի պարանոցի նախաքաղցկեղի վաղ ախտորոշման և քաղցկեղի կանխարգելման նպատակով»,-ասաց Դիանա Անդրեասյանը՝ նշելով, որ ծրագրով ամրագրված է ՈՎՀ կանխարգելման վերաբերյալ բնակչության հանրային իրազեկում, բնակչության ռիսկային խմբերում սքրինինգային հետազոտությունների իրականացում, ինչպես նաև՝ ազգային ուղեցույցների մշակում և մասնագետների կրթում:

«Հիվանդությունների կանխարգելում և վերահսկում» ծրագրի շրջանակում 2015-2018 թվականներին եռամյա կտրվածքով նախատեսվում է իրականացնել մեծածավալ սքրինինգներ։ Մասնավորապես, ծրագրի նպատակն է՝ առողջության առաջնային պահպանման օղակում ոչ վարակիչ հիվանդությունների վաղ հայտնաբերումն ու վերահսկումը, ինչպես նաև՝ ծրագրում ընդգրկված բուժհաստատություններում առողջապահական ծառայությունների որակի և արդյունավետության բարելավումը»

 ՀՀ ԱՆ-ն հորդորում է Հայաստանի բնակչությանը, որ առնվազն տարեկան մեկ անգամ կատարեն կանխարգելիչ բուժզննում: Ներկայումս, կանխարգելիչ բուժզննումն իր մեջ ներառում է պարբերական ստուգում ուղղված արյան բարձր ճնշման, շաքարախտի, թոքերի հիվանդությունների հայտնաբերմանը, ինչպես նաև որոշակի քննություններ ուղղված վերարտադրողական առողջությանը (կրծքի զննում, ՊԱՊ քսուկի թեսթ՝ կանանց համար, և շագանակագեղձի ստուգում՝ տղամարդկանց համար):

ՀԺԱՀ 2010-ում ներառվել են մի շարք հարցեր՝ ուղղված կանխարգելիչ բուժզննման նպատակով բուժհաստատություն կատարված այցերին: 15-49 տարեկան բոլոր հարցվողներին տրվել է հարց, թե արդյոք նրանք, հարցմանը նախորդող երեք տարվա ընթացքում այցելել են բուժհաստատություն՝ խորհուրդ տրվող կանխարգելիչ բուժզննման իրականացման նպատակով: Այն անձինք, ովքեր իրականացրել են նման այց, հարցվել են նաև վերջին այցի ժամկետի և այդ այցի շրջանակում կատարված հետազոտությունների և բովանդակության մասին: Հայաստանի կանանց 25 տոկոսը և տղամարդկանց 19 տոկոսը հարցմանը նախորդող երեք տարվա ընթացքում այցելել են բուժհաստատություն կանխարգելիչ զննման նպատակով: Կանանց շրջանում, 17 տոկոսին բուժաշխատողը հայտնել է, որ նրանք ունեն արյան բարձր ճնշում, 13 տոկոսին կատարվել է կրծքի բուժզննում, 14 տոկոսին կատարվել է ՊԱՊ քսուկի թեսթ՝ արգանդի վզիկի քաղցկեղի հայտնաբերման նպատակով, և 3 տոկոսի մոտ հայտնաբերվել է շաքարային դիաբետ: Տղամարդկանց շրջանում, ովքեր հարցմանը նախորդող երեք տարվա ընթացքում այցելել են բուժհաստատություն կանխարգելիչ զննման նպատակով, 14 տոկոսին բուժաշխատողը հայտնել է, որ նրանք ունեն արյան բարձր ճնշում, 10 տոկոսին կատարվել է շագանակագեղձի բուժզննում, 7 տոկոսի մոտ հայտնաբերվել է թոքի Չափահասների առողջություն | 337 հիվանդություն, և 5 տոկոսի շրջանում հայտնաբերվել է շաքարային դիաբետ